無綫人氣劇集《巾幗梟雄》上周五播出大結局，錄得最高收視為47點（即約有299萬人次收看），該幕戲正是柴九（黎耀祥飾）逝世，四奶奶（鄧萃雯飾）在柴九的紀念碑前回憶兩人的相處。柴九哥更打敗《學警狙擊》的Laughing哥，以平均33點收視（即約有210萬人次收看），成為09年上半年無綫劇集收視之冠。
未計高清台收視
《巾》劇大結局前夕，黎耀祥和鄧萃雯均表示希望能打破《大長今》保持多年的最高50點收視紀錄，可惜未能成功。不過無綫外事部副總監曾醒明說：「其實有一個問題係今年我哋有高清台同步播《巾幗梟雄》，有唔少觀眾會收睇高清翡翠台，而數碼地面電視收視數據統計將會喺今日開始，如果佢係今個星期先大結局，個數據應該會唔同。」
四奶奶鄧萃雯昨日透過手機短訊回覆說：「我好感動，好開心，呢次係對香港電視工作者最大回報同鼓勵，雖然少咗高清台計算，咁成績已經好勁。」
柴九哥黎耀祥昨日則在電話中說：「梗係滿意，因為星期五係閒日，通常大結局喺周日做，收視會有啲唔同，呢次柴九死得值，有全港一半觀眾送佢終，不過唔入歷年劇集十大排行榜有啲可惜。」對於指他打敗Laughing哥，祥仔說：「佢威過我喎，公司開部電影佢拍噃，證明公司重視佢。」惠英紅則說：「咁梗係越高越好啦，唔入十大排行榜都唔緊要，呢個成績已經好好，冇乜遺憾，因為呢個唔係大製作，只係中製作，相信公司已經賺好多。」
採訪、攝影：楊潔雯、丁寧