澳門社會文化司司長崔世安辭職選特首，噚日仲宣佈取得法定所需嘅50名選委提名。澳門碩果僅存嘅民主派議員隨即踢爆，批評崔世安任內大把「蘇州屎」未搞掂，叫家接掌佢工作嘅特首何厚鏵執掂佢。
澳門立法會議員吳國昌喺網誌大爆，崔世安任內負責統籌嘅控煙法及醫療事故法延誤多年、維護歷史文化景觀不力、東亞運動會場館建設同營運嚴重超支浪費、因應沙士籌建嘅傳染醫院一直拖延、又不肯承諾推行高中免費教育。一個任內如此不濟嘅人都可以選特首，上任後會唔會超越本港嘅董建華無人能知，但澳門吳國昌就好客氣，只係叫家負責接掌崔世安權責嘅何厚鏵快啲積極補救。