技術走勢強，資金充足，係港股呢排嘅特點，噚日港股承接上禮拜五升勢，大幅裂口高開，跟住反覆升近19000關收市，升咗717點，成交仲超過千億元，雖然期指收市低水近200點，但係恒指嘅走勢好靚，即使有調整，只會大漲小回。
基建股整固咗一輪之後又想郁，論技術走勢同上升空間，最正都係中鐵（390）。
中鐵C輪16136：中鐵昨收6.79元，升6.4%，大成交突破橫行區，炒上先試7.50元關，破位睇8元，可以諗吓隻C輪16136。
隻輪現價82仙，2009年9月29日到期，行使價7元，溢價15.1%，引伸波幅58%，槓桿率8.2倍（有效4.4倍），正股升上8元，16136睇1.58元，有9成幾升幅，正股跌穿6.38元，就沽咗隻輪止蝕。
俊樺