香港人爭取平反六四足足20年，有網友近排用Beyond名曲《抗戰二十年》，配上港人廿年來毋忘六四片段，整咗個MV出嚟，一日內已有有近7,000人收看，唔少人睇完都大讚，仲動員網友到支聯會網站留言，爭取喺今年燭光集會播呢首MV。
細路遊行後講感受
網民一呼百應，支聯會為免網站好似早輪咁冧檔，即時搵個網站管理人員留言，向網民解釋由於燭光集會程序已編定，加上涉及歌曲版權等問題，所以暫時未能答應會喺當晚集會播放呢首歌，但就製作人呢份無私奉獻，剪輯咗呢齣咁有誠意嘅MV，表示衷心感謝，想睇個MV，可到 http://www.youtube.com/watch?v=n_OBeonRBvk
有細路仔前日參加六四遊行後，亦喺YouTube分享感受，話遊行係想表達當年軍隊殺死學生係唔啱，「希望呢個政府變番好」，細細個已經有良心過特首曾蔭權同班連平反六四議案都反對嘅立法會議員，佢哋都應該去睇吓： http://www.youtube.com/watch?v=2GX0wGaGVP8