資金推動之下，大市狂升之勢真係冇得抵擋，恒指創今年新高18895，但收市仲「型」，報18888，升717點，四條「8」究竟係咪神奇數字，對後市有冇啟示？
昨日大市成交金額過千億元，星俠風聞坊間淡友已被呢一浪挾到十分氣餒，呢款環境之下唔知會唔會有反高潮出現呢？不過，所謂升市莫估頂，目前有貨大可享盡升浪，冇貨亦唔建議胡亂造淡。
內房股氣勢真係好勁，前排有股東配售過的方興地產（817），昨隨大市上升0.13元，以3.02元高收，走勢再現突破，近日在2.70元至2.90元之間的整固應已完成，相信上月高位3.12元彈指可破，短線上望3.30元至3.50元水平，不妨留意，短炒以2.70元止蝕。
整固完成展升浪
方興係中國中化集團的房地產開發旗艦，專注於上海、北京及珠海的房地產項目，當中尤以開發商用物業為主。方興今年1月以過百億元人民幣自母公司收購金茂全部股權，故該股亦算係一隻受惠上海世博的內房股。
方星俠