花旗股市上禮拜五造好，滙控（005）ADR升上70元，今日滙控走勢值得留意，隨時可以帶動港股升多三四百點，不過，恒指近日升勢急，要留意指數喺高位會唔會有大沽壓。
內銀股開始郁，中行（3988）過去兩日嘅升勢好勁，或者要唞一唞，其他內銀股嘅走勢好轉，招行（3968）走勢唔錯，可以炒番轉C輪。
招行C輪15774：招行上周五報收15.82元，升3.5%，睇個勢有力突破17.50元推向19元，可以諗吓隻C輪15774。
隻輪現價43仙，2009年11月30日到期，行使價14.523元，溢價12.7%，引伸波幅59.9%，槓桿率4.7倍（有效3.1倍），正股升上19元，15774睇73.5仙，有7成升幅，如果正股跌穿14.80元，就沽咗隻輪止蝕。
俊樺