聞名不如見面，近距離感受34E巨咪鍾蕙芝（Lavina）在池邊碧波蕩漾的震撼，實在令人難以忘懷。這位同學仔口中的大波妹，原來波大有腦，乘ECupBaby劉欣宜封胸之際，力圖以性感殺出一條血路，爭奪ECup暴族盟主。
近日ECupBaby劉欣宜封胸走密實路線，新晉模鍾蕙芝即連番大賣34E巨咪，擺明車馬趁勢搶飯碗。現年21歲的Lavina日前穿上三點式泳衣，接受本報專訪兼嬉水作樂。清楚知道個人賣點的她，自言不介意走性感路線，她說：「我唔覺得性感有乜嘢問題，都係一種美感，每次性感打扮都畀到我自信嘅感覺。」
戒吃煎炸食品
Lavina對其34E、24、36的三圍非常自豪，表示全部得自母親的優良遺傳，她說：「我媽咪同家姐身材都好好。」中學時曾因咪咪太過豐滿而成為校中男同學的目標，對此她說：「我知道有男同學背後叫我大波妹，對於呢個名我都唔係好嬲，我諗佢哋都係講吓笑，冇惡意嘅。」
問Lavina平日有甚麼護胸心得？她說：「我平時好鍾意去沙灘玩，由於之前參與拍攝工作，我要濕身，但事後又冇即時冲身，皮膚家有啲敏感。」為了保護「搵食架生」，Lavina每天晚上冲凉後，會全身塗上潤膚露以保持肌膚幼滑。為免身體出粒粒，她也戒吃熱氣和煎炸食品。
踩Kama冇性格
對於時下一眾模，Lavina有讚有彈，提到Angelababy（楊穎）便讚不絕口，她說：「佢個樣好靚，好可愛，身材又夠瘦，完全係我心中嘅女神。」那JaniceMan（文詠珊）又如何？Lavina說：「Janice做戲嘅演技越嚟越好，但我嫌佢個樣太cool，如果笑多啲會靚啲。」
可是提到賣可愛笑容的Kama（羅凱珊）時，她卻批評說：「佢都好可愛，但我覺得佢冇乜嘢自己嘅性格，我認為做藝人，要靚過你嘅大有人在，不過若有自己嘅性格，會比較容易突出到自己。死啦，我咁話佢，佢會唔會喊㗎？」言語間似暗寸Kama愛用眼淚攻勢博見報。
採訪：比華利
攝影：陳順禎
泳裝：ROXY
娛樂資料庫：巨乳模快起快落
經濟不好搵食艱難，要在弱肉強食的娛樂圈求生仲難。巨乳模由最初在動漫節彈出的動漫Maggie（李曼筠），至今已經歷幾次改朝換代，眾女性感程度越戰越放外，cup數也逐步升級。但可以肯定的是，模一封胸，肯定地位不保。
資料來源：《蘋果》資料室
