無綫首個以入境處為主題的劇集《ID精英》昨日在奧海城宣傳，演員郭晉安、蒙嘉慧、梁靖琪（Toby）和鄧健泓等人分別穿上入境處各部門的制服亮相，此劇將緊接《巾幗梟雄》的時段播出，《巾》劇叫好又叫座，不過郭晉安和蒙嘉慧等人均表示有信心，安仔更笑說：「祥仔（黎耀祥）真係好勁，我都恭喜佢有咁好成績，果然係好狗（柴九），不過我哋係精英部隊，即係鷹，佢係狗，啄都啄死佢，所以目標收視起碼都有40點。」
Toby着防暴裝想嘔
蒙嘉慧笑稱很喜歡穿制服的感覺，不過Toby則相反，因為她昨日着上逾20磅的鐵甲威龍，不但舉步艱難，更被取笑好身材未被防暴裝掩蓋，Toby坦言很不好受，更笑稱在後台被蒙嘉慧胸襲，她說：「呢套制服又重又焗，仲箍到我想嘔，我真係好佩服着呢啲衫做嘢嘅女性，換轉係我寧願捱夜開工好過。」
採訪、攝影：何慧斯