謝霆鋒上月尾喺上海同老婆張栢芝慶祝完生日，呢幾日又投入番拍攝新戲《十月圍城》，霆鋒同姜文嘅老婆周韻（右）扮演一對戀人，由於佢哋都唔太熟絡，所以拍親密鏡頭時都有啲怕醜，咁樣導演反而叫好，因為有種初戀感覺。霆鋒同周韻之後因為講湊仔經而漸漸熟絡，原來大家都認同將來會由仔女自由發展，但無論如何都唔想畀仔女太早接觸娛樂圈。