今年新股市場唔算熱鬧，年內掛牌之股份，表現十分參差。若數今年新股上市以來表現，其中最勁係興業太陽能（750），該股上市招股價1.05元，以現價4.37元計，升幅逾3倍，反而今年暫時集資額最大的中國忠旺（1333），股價表現就唔算好突出。
招股期間幾有「人氣」的銀基集團（886），表現亦令人失望，銀基以招股價上限3.45元定價，當時公開發售部份獲44倍認購，國際發售部份亦係超額，但銀基上市以來股價潛水，唔知係咪幕後放軟手腳，盡收天下兵器後才上演好戲。
博重新浮水
銀基經銷之五糧液酒系列，係集團業務重要一環，雖然並非獨家代理經銷，但自2000年以來，集團成為五糧液酒系列於國內及國際市場的最大經銷商；另獨家經銷三種「添寶」商標的蘇格蘭威士忌。另外，集團亦有經銷六種國產香煙品牌，包括紅塔山系列。
銀基現價2.85元，建議待回至2.75元企穩才吸納，以重返招股價3.45元為目標。
方星俠