迎合、迎戰潮流大勢，multi-talented比只開一瓣安全踏實得多。TitiKwan，不僅是王菲御用形象指導，也不只是點石成金令小眾品牌變為大熱的時裝買手，他的最新履歷表（CV）上，還加添了時裝設計師一職，至今已完成了3個個人系列，也創出一星期內在巴黎名店MariaLuisa售罄的佳績，不枉他之前花了3年時間清洗囤積在腦海內多年人家作品片段。 撰文:MichelleLeung
香港傳媒都稱呼TitiKwan（阿Dee）是「王菲御用形象指導」，阿Dee則叫自己做「出名的無名氏」。20多年來在巴黎，後因遇上王菲行出一條精采好玩的路，他說：「好彩我鍾意玩、貪得意，同阿菲做嘢的確係一份好精采嘅經驗，不過我自己覺得所有嘢都係屬於阿菲，唔多關我事。」直至設計了3個服裝系列推出市場，阿Dee說：「終於有嘢係屬於自己，有人欣賞有人買，極度滿足。」
用料睇齊Chanel
鍾意玩、貪得意的阿Dee，坦言設計衣服的目的是：「Test吓自己啲嘢得唔得、想透過一件衫講吓古仔。」3個系列的誕生，由設計開始、完成到送貨去時裝店，都一手一腳自己搞掂，預料不到的是：「學到平平穩穩，定落嚟原來係好事，因為自己天生百厭貪得意，成日都追求刺激，但係睇番自己好玩精采都應該試勻晒，定落嚟、學吓逐步有鋪排，話唔定嚟緊嘅仲刺激。」
阿Dee說：「正式坐低諗設計概念，最難係要將自己咁多年睇睇埋埋嘅時裝片段一次過清洗，呢part足足3年先清得晒！初初做好啲衫，我自己假設唔賣、做完就算，亦冇好大budget去買好大量嘅布，我用嘅布都係最靚嘅，間布廠係供應開畀Chanel同Hermès，我都想用啲次啲嘅布，但係人哋最少都要買500米，我邊有咁多資金？所以有時諗吓自己嘅衫既係sell靚布又selldesign。」
巴黎火速售清
阿Dee小小的手作系列，大概有15款，「巴黎時裝教母」MariaLuisa是第一個識貨之人，衣服起錶價是3,000歐元（約31,000港元），竟然一星期即告售罄，有銷情即是有人肯定。
阿Dee卻說下一步也是見步行步，他說：「自由無價，經驗都係慢慢逐步得嚟，我又唔係幫大公司打工嘅設計師，冇佢哋得到嘅風頭亦冇佢哋要承受嘅人事鬥爭，我唔會淨係做一樣嘢，有其他錢唔會唔搵，既然我有multi-talented，好應該用落家multi-task嘅氣候。」
剪貼古怪思維
花3年時間自行「洗腦」後的3個TitiKwan創作系列，分別命名為「HomemadeFairies」、「RibbonDance」及「AChineseGhostStory」，Titi闡述系列創作來歷。
★「HomemadeFairies係有一日喺屋企見到一批自己儲咗好耐嘅布，想將啲一幅幅嘅布變成一件件有輪廓嘅衫。」
★「時不時我腦海都有絲帶舞轉轉轉嘅形態，RibbonDance就係想將呢一組組唔停得落嚟嘅動作fix落嚟。」
★「我腦海中嘅浪漫鬼古都係充斥住詭異、講唔出口嘅顏色，AChineseGhostStory運用嘅顏色同層次質感就係咁樣，有份講唔出口嘅詭異感。」