近日有指商天娥和宣萱因拍劇集《掌上明珠》而鬧不和，她們昨日在電視城開工，在記者面前碰頭時未見有火藥味，否認傳聞後還合照，但娥姐就拒絕與宣萱攬腰，並說：「我唔覺得同一個人攬頭攬腰咁就代表係好。」
商天娥和宣萱昨日在電視城為《掌上明珠》開工，談到有指與宣萱不和，娥姐否認此事之餘，還笑稱現時無欲無求，她笑說：「成日都話我同人哋不和，聽得多都好厭悶，不如試吓啲新嘢，好似傳緋聞，傳吓我同監製（林志華），又或者梁家樹（無綫戲劇製作總監），再唔係不如傳我同梁博士（無綫副行政主席梁乃鵬），點解佢成日請我食飯。」
「拍得好開心」
娥姐又說：「我唔覺得同一個人攬頭攬腰咁就代表係好，都要睇吓對方係咪一個熱情嘅人。成日都話不和，大家都係專業演員，又係成熟嘅女人，唔係好似小朋友玩遊戲，既然上邊冇乜意見，我哋咪用專業態度去開工，我唔係代表人哋講嘢，我淨係講我自己，拍劇捱夜係好辛苦，如果你三日冇瞓，仲點會坐喺度儍笑？而且呢部戲又有好多對白要記，講錯咗又要重新嚟過，總之我拍呢部戲覺得好玩同好開心，其他唔會理。」
《掌》劇另一女主角宣萱前晚則在電視城與林保怡拍一場咀戲，提到有指與娥姐不和一事，宣萱的回應簡短得多，她說：「之前已經有人問過我，我覺得完全扯唔上關係，所以nocomment。」
拍咀戲冇避忌
後來宣萱又笑稱拍此劇十分「着數」，因為她先後與陶大宇和林保怡有咀戲，雖然近日豬流感肆虐，不過宣萱表示未有刻意防範，她笑說：「如果係命中注定嘅話，點都走唔甩，我都唔似咁短命，睇怕仲有排捱。」
採訪、攝影：何慧斯、王崇穎