重重複複的工作、年年月月的等待，讓人疲累又無奈，加入支聯會19年，關振邦說身邊兩個人給他很大鼓舞，一個是個子矮小、心志堅定的劉常佳婆婆，另一個是志同道合的錦叔鄺錦波，兩人的工作微小不起眼，卻一直堅持到生命完結那天，關振邦形容二人，「身軀雖小，但影子偉大。」
「我識佢嘅時候佢已經係婆婆嚟㗎喇，佢生得好矮，但心志好堅定，佢話『自己已經幾十歲人，但啲學生咁後生俾人殺咗，點可以㗎！』個觀點好簡單，從來無改變過。」
關振邦說，劉婆婆雖然年紀大，能力有限，仍然風雨不改跟他們落區擺檔，呼籲巿民簽弔唁冊，「我哋一大班人好親密，有老有嫩，好投入，好有凝聚力，同婆婆好似朋友咁，大家一齊做啲好簡單嘅工作，佢每次做嘢都好認真，咁大年紀都仲派傳單，唔會話諗住咩知名度。」
身軀雖小影子偉大
劉婆婆2000年胃癌去世，入院前都仍然堅持協助支聯會，兩個遺願是以支聯會T恤及襟章陪葬，以及在六四平反之日，替她在天安門廣場為六四烈士獻花。
「佢對我有好大影響，我哋每個人依自己嘅能力去做，可能好唔起眼，但喺我眼中係好重要，係真正嘅身軀雖小，但影子偉大。」
另一個對他影響深遠的是鄺錦波，80多歲錦叔從事運輸，每年替支聯會運擴音器，2006年患癌去世，「我哋相處太耐有感情，志同道合，有共同目標，感情唔係話好似一般朋友咁，失去佢哋，我係覺得好可惜。」
他又說，每個人角色不同，「好似華叔咁，有台型、有公信力，講嘢令人信服，我哋自己就做好配合嘅工作，呼籲人關注。」他謙稱自己不是無名英雄，「好多義工從一開始就幫，其實仲有好多人默默耕耘。」