【本報訊】「佢係咁斬、係咁斬，好似斬菜咁，好恐怖！」4歲男童晉仔被精神病疑兇斬死的現場，附近是通州街臨時街市，當時是中午時分，周圍人來人往，很多人目睹慘劇時都曾出手阻止，可惜最後都無法救回晉仔一命，有街坊對此感到難過，並形容當時「好亂，好恐怖」。
事發時正在附近吃午飯的霍先生表示：「當時聽到好嘈，走去睇就見個儍佬揸住把刀係咁斬個細路，佢爸爸就攬住個仔，又同個儍佬糾纏……我就攞起兩個篩（膠籮）一手一個，同其他人係咁兜頭扑落去，但係佢（兇徒）都冇反應，又扑唔甩佢把刀……」霍先生指兇徒當時狂性大發，一度轉移目標向他揮刀，之後又回頭再向晉仔父子狂斬。
街坊遞上紙巾抹鮮血
目睹事件的陳先生形容晉仔傷勢，用手比劃兇徒揮刀斬晉仔頭顱時說：「個頭半邊（被刀斬至）入晒，睇佢都唔得喇！」另一目擊者鍾太則說：「佢老竇攬住個仔大叫『唔好斬佢呀，斬我啦！』」，令人不禁鼻酸。兇徒被制服後，街坊紛紛給余父送上紙巾，讓他抹去愛兒頭上的鮮血。救護員到場替僅膝部擦傷的疑兇包紮時，在場市民十分激動：「個細路好慘呀……使乜救佢（兇徒）呀，由得佢死啦！」