周三晚睇歐聯大戰，見證巴塞點樣技術性擊倒曼聯外，兩位講波佬都充滿離愁別緒，甚麼最後探戈云云，事關來季歐聯直播權易手；個人對「皮蛋黃」甚為欣賞，當然佢嘅金句真係嘆為觀止，甚麼燒鵝味道、甚麼加利仔3大弱點；而且佢對各項體育運動都極為狂熱，唔單止足球、籃球，連棒球、高球、冰曲都講得兩嘢。
周六英足盃決賽，唔知有冇機會聽到「皮蛋黃」旁述，不過貴為最傳統盃賽，戲碼稍弱都要捧場。愛華頓準決賽對曼聯小兵都只係驚險晉級，今次對住位位大哥級嘅車路士，好難頂得住，簡單博車仔法定時間贏波捧盃。
主客和：車路士勝
心得：車仔大場面夠級數
近5場往績：WWDLL
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！