歐聯正式告別「現在台」，意味着如果下屆要睇呢項歐洲最頂級賽事就要轉台，而且係一台獨攪歐洲兩項盃賽，都幾吸引。
歐聯雖然唔係「現在台」自己製作，但E記一向喺歐聯方面做得唔錯，尤其係賽前經常將SkyTV嘅名家分析，同埋大戰時剪輯成嘅短片，水準認真高，而且分組賽或者淘汰階段多場比賽同時進行時，都有幾個台揀場次嚟睇，起碼做到有選擇先。至於過到「畸寶台」製作會係點？當然希望至少喺直播時有得揀場次嚟睇，同埋播歐聯雜誌式節目。
至於今周日聯盃直播亦喺「畸寶台」，但就唔揀直播場次，要FC東京作客開下盤。
讓球：FC東京（下）
心得：不死鳥盃賽唔掂
近5場往績：LLLWD
戰鬥員A
同足球有關嘅周邊物品都鍾愛，賭波就專攻日職聯。