雖然歐洲主要聯賽煞科嘅煞科、趕埋尾嘅趕埋尾，不過，我哋喺〈海嘯救生圈〉呢度一定唔會落雨收柴，會精心推介冷門，令大家以小小本錢贏多多。好似廣島三箭今季升上日聯後表現唔錯，而佢哋連盃賽亦去馬，喺周六嘅日聯盃迎戰大宮松鼠時，博佢哋[-1]開「和局」。
三箭今季喺日聯5勝5和3負，不敗率高，目前喺日聯盃A組則以2戰得3分排第4位，而每組只得頭兩位出線，所以三箭今迎大宮松鼠時，一定會去馬。不過，由於缺少日本國腳後衞槙野智章，門將佐藤昭大及中場桑田慎一朗就養緊傷，所以就算射手佐藤壽人可以披甲，預料贏波都會失球，一於博[-1]「和局」。至於美職聯FC多倫多今季表現轉好，到訪侯斯頓戴拿模未必冇得踢，不妨扒冷要兩隊打和。
卡昂[半和]啱數
另外，波爾多喺法甲煞科戰只要攞多一分就可以封王，今訪要搶分護級嘅卡昂料會踢得保守；加上卡昂於今季聯賽有20場[半和]之多，呢場梗係要2.15倍嘅[半和]啦！
瑞超榜首隊哥登堡今季勁「弗」，周六嘅對手只係中下游嘅布洛馬波卡納，吼哥登堡贏1:0或2:0啱數。至於德盃決賽利華古遜鬥雲達不來梅，兩隊都主攻，相信入球會多，可以向總入球[4球]同[5球]埋手。
文：吾中