周三巴塞喺歐聯大戰曼聯，唔知仲以為係平安夜或者年三十晚，事關凌晨點幾喺荃灣仍然周街都係人。原本諗住同老友里奧同奧雲上卡拉OK睇，但搵老友大頭出手訂房都冇，結果上咗里奧屋企睇，不過都好，至少慳番百零二百蚊。場波戲碼係好勁，不過曼聯踢唔出水準，搞到我即時諗起4年前利記對AC場經典大戰。呢場波夠晒戲劇性，仲冇任何冷場，希望下年場決賽唔會好似今年咁啦！
今季最後一次喺〈開倉〉同球迷見面，我近況幾好，對上5場有4個W。今晚場英足盃決賽由車路士對愛華頓，愛華頓嘅「爆炸狗」費蘭尼嘅入球能力好強，有信心佢可以開到「首球」。
首球：愛華頓[費蘭尼]
心得：費蘭尼好強
近5場往績：WLWWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。