畢傑講嘢有一個習慣，無論人名又好戲名又好，都只會噏頭嗰兩個字。球員好似奧胡舒艾比耶，會嗌「奧胡」，尹佩斯會嗌「尹佩」，里奧費迪南會嗌「里奧」咁，呢個習慣大概喺10幾年前開始。就算係明星，一樣會講成「尹揚」、「梁焯」等等，我啲朋友已習慣咗我嘅講嘢技巧，唔會重複問我講緊咩。
上期講到畢傑行屍走肉，點解唔開心嘅事仲未散得晒？真係好希望6月會好啲，睇嚟我好需要放一個小假期。今期係新球季前，最後一次喺〈畢賭翁〉同大家傾偈，我都講過我係〈陽光宅男〉，一向樂觀見稱，暫別前至緊要開開心心，不來梅最後一次幫大家。
讓球：雲達不來梅（上）
心得：迪亞高最後一戰
近5場往績：WLWLL
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。