下周四確係大日子，20年轉眼就過，記憶漸模糊，但情感揮之不去。藍鑽石當年只係中一生，點識大是大非？印象最深刻係當晚發生事故前一邊留意事態一邊聽收音機，平時幽默嘅DJ都好沉重，熱播〈真的愛你〉，祈盼嗰班去絕食、聚會嘅學生，可早日返屋企同父母團聚，結果，唔少願望落空……。當年讀嘅法國教會學校唔「射」阿公，事後即動員大遊行，最多人上街嗰朝，我換好衫、纏黑布，但校方終以安全理由，勸初中嘅唔好去，就係咁我錯過歷史時刻，但當年誰是誰非答案冇變過。
包袱可以好沉重。講到波，盼車仔今晚贏，假如今季手空空冇一物，未免殘忍！
主客和：車路士勝
心得：盼同車仔齊食尾糊
近5場往績：WWLWL
藍鑽石
與簡拿華路同日出生嘅囡囡入學，今季大把時間睇波，尤其係意甲。