〈早飛倉〉本季最後一次同大家見面，我同拍檔牛兄為咗羞家嘅結餘，先同大家講聲對唔住。如果我連同佢周二推介中晒，都叫做同正數近啲。巴塞呢期當旺，西甲煞科戰作客拉科，希望好頭好尾開個「大」。
巴塞已攞咗歐聯，風頭一時無兩；睇番上場西甲對奧沙辛拿遣弱陣下輸波，所以今次相信陣容都以希比、保贊等為主，但要留意，馬體會前鋒科蘭上仗入3球，喺西甲神射手榜已過咗伊度奧，伊度奧今次請求哥迪奧拿畀佢踢都唔奇，咁巴塞入波就有番本錢。拉科要爭歐洲賽，主W應該幾抵捧。不過，考慮到如果第6嘅華倫西亞喺另一邊贏畢爾包嘅話，呢邊拉科就隨時散晒，所以「大」穩陣。
串不來梅捧德國盃
配腳方面，德國盃決賽就要雲達不來梅擊敗利華古遜捧盃，少讓平/半可去馬。不來梅以聯賽第10名過終點，早排歐協盃決賽又輸畀薩克達，德盃已成佢哋嘅最後希望，至少捧盃拎到個EuropaLeauge參賽資格。德甲煞科戰雖然我推介不來梅輸1:4畀禾夫斯堡，不過嗰場波一來佢哋啱啱踢完120分鐘歐協盃決賽，二來要留力今場，最後輸1:5更爆我波膽。
論兵力同人腳，不來梅實在好過利華古遜，中場「大腦」迪亞高已經復出，呢位巴西球星踢埋今場就會告別德甲，轉投我愛隊祖雲達斯懷抱，搏晒命就預咗。曉高艾美達、拿杜同比沙路等主力全可上陣，絕對係「夫添」。利華古遜季尾大跌watt，希美斯同傑斯寧兩位射手雖則有威脅，維達爾又停賽復出，但假如鬥攻力不來梅一定贏晒，決賽梗係捧更識入波嗰隊着數。
最後一關揀巴甲，聖保羅周中同高士路喺自由盃碰頭，當時後者主場贏2:1；家陣聖保羅成條4人正選防線如雲拿度、1號門將羅渣里奧都傷晒，再博高士路周日返聯賽作客唔輸。文：畢傑
早飛王貼士
星期六19拉科魯尼亞vs巴塞隆拿
首選：拉科魯尼亞大（1.59）
次選：拉科魯尼亞勝（2.25）
冷選：拉科魯尼亞勝3:2（22）
早飛倉
主菜：星期六17雲達不來梅（上）x星期六19拉科魯尼亞大（1.59）2x1@$3,000
渾水摸魚過關：星期六17雲達不來梅（上）x星期六19拉科魯尼亞大（1.59）x星期日30高士路（下）/勝[+1]（待定）3x1@$2,000
今日早餐價錢：$5,000
上日賺蝕：/
早飛倉結餘：$69,665（未計周二賺蝕）
周末焦點
星期六13 車路士vs愛華頓
英格蘭今季壓軸大戰，英足盃決賽在溫布萊球場上演；論人腳車路士佔壓倒優勢，愛華頓上圈淘汰曼聯，又能否再次令Big4球隊吃苦頭？
星期六22 卡昂vs波爾多
周六法甲煞科戰，作客的波爾多只要在卡昂身上取得不敗，就肯定繼1999年後，再度登上法甲冠軍，亦成為法聯盃及聯賽雙冠王。
星期日5 博洛尼亞vs卡坦尼亞
意甲煞科戰上演護級大戰，博洛尼亞只要主場擊敗「風流波」卡坦尼亞，就肯定不用理會拖連奴作客對羅馬的戰果，成功護級。