嚴寒冬天過後，一身脂肪都未趕得走，轉眼間夏天又話到，熱到焗住着背心短褲，奈何蓮藕手、拜拜肉、Call機加象腿樣樣齊。最慘日日出入港鐵站眼見個個纖體代言人都鬼咁Fit，究竟點減先Work呢？今次搵咗五間纖體公司，試埋當中星級求纖推介，價錢有平有貴，有做機有人手Treatment，揀邊款就視乎閣下喜好而定，不過乜都假，最緊要趁暑假前搵番條腰！
記者：陳諾堯
攝影：譚盈傑（人物）、伍慶泉、王文忠
Models：Crztal、Phoebe&[email protected]
Makeup&Hair：PhyllisKwok
紀香愛三段式燒脂 經驗過江龍
剛來港開設海外第一間分店的MissParisDietCenter，於日本全國130多間分店，擁有25年以上的經驗，是日本最成功DietCenter頭三位。店內獨家王牌儀器均有ISO9001認證，由日本東京大學醫學系研究科研發。當中三段脂肪燃燒法（TripleBurn）將三款不同儀器配合適當輔助油等，將全身、局部和橙皮脂肪等通通帶走。
MissParis搵Fit爆藤原紀香為代言人，一睇佢身形就知掂啦！紀香話：「TripleBurn係我Favourite，可燃燒脂肪同水份，好似做運動一樣出一身汗，加快新陳代謝，做完一次即見效果。」
先焗
1.做TripleBurn之前先用鯊魚肝油和負離子功能霜塗勻全身，焗15分鐘。
燒脂
2.然後用FatBurn肌肉運動燃燒脂肪機，在全身20多個穴位和肌肉貼上震度貼，刺激穴位同時消耗能量。全身Pad好震度貼後，包住有UV線的Blanket。
去紋
3.跟住用CelluliteBurn橙皮紋全燒機做25分鐘。先塗上去除橙皮紋精華油後，以打圈形式將脂肪推向淋巴位。
震脂
4.最後做MillionWave極速震燒機，塗燒脂和增加骨膠原Gel於Pads上，以彈性束帶紮好，針對性燒脂約10分鐘。
TripleBurn
首次試做價$1,380，由即日起至6月30日預約，可減$500。
MissParis（25364888）
Lynn最緊要排毒 配合產品
做機有做機Work，個人則比較鍾意人手減肥Treatment，感覺總是實在啲，針對肥膏做嘛！所以OasisBeauty人手加機療程就最啱我！以三大纖脂瘦身元素（海藻精油、岩褐藻體膜及天然礦物海鹽），加上RF雙極射頻護理，重點收緊肌膚鬆弛部位，改善皮膚鬆弛問題，有效針對肚紋和伸展紋等，消脂同時纖緊肌膚，達致緊膚和消脂雙重功效。過程首30分鐘會以RF雙極射頻護理，之後做磨砂及人手搣脂，排走水份，最後敷埋岩褐藻體膜，感覺成個人都輕晒！
Lynn：「纖體療程當然要揀些即時見效的，所以我最鍾意做RF纖脂護理，因為舒服之餘可見即時瘦身效果。另外於療程後我會用按摩棒以向上方向按摩，一來增強血液循環，而且可改善水腫問題，脂肪儲量亦消減不少！」
1.先塗上ConductGel於需要減的部位，之後放RF機頭在ConductGel上做30分鐘，刺激底層循環和新陳代謝。
2.用天然礦物海鹽和MassageOil按摩之前做過RF機的位置，有助磨走死皮、排毒和排水。
3.最後敷上岩褐藻體膜作Firming。
RF升級雙效纖脂護理
首次試做價：$280/75mins
OasisBeauty（28365988）
Cara局部爆脂 分解細胞
名模Cara本身已經好Fit，但佢話身體都會有脂肪積聚，所以會選擇做局部爆脂。悅榕莊引入的極速爆脂王以每秒百萬次超音波震動，分解脂肪細胞，令脂肪隨新陳代謝過程經淋巴系統排出體外，體形纖減之餘，亦有Firming效果，更可有效撫平妊娠紋、擴張紋和橙皮紋等，過程無痛，只有少許超聲波聲、微溫和微刺感，最重要係試做價一百蚊有找，超值啦！
Cara.G：「每次出Show前，我都會做爆脂王Treatment，絕對係我的急救之選。因為效果夠快又明顯，過程舒服無痛，做完後即時見到效果，亦唔會又紅又腫或出現敏感情況，我覺得收腰同大髀位最Work！」
1.以濕棉花清潔想局部纖減的部位，然後塗上爆脂Gel，加速脂肪爆破。
2.然後用手托起脂肪，用機以打圈動作每邊腳做約10分鐘。
極速爆脂王CavitalipoSystem療程
首次試做價：$88/30mins
悅榕莊（28913363）
思琦妹獨佔VIP 萬能儀器
皇室纖形最近有部熱門機叫VIPCOMPLEX，聽聞好多客都爭住做，貪佢夠萬能，無論過重、肌肉鬆弛、水腫等問題都全部搞得掂。VIPCOMPLEX係一部靜態運動機，當中三個程式包括排脂纖體、淋巴排毒和紅外線溶脂瘦身，全都行電流。排脂纖體程式可收緊肌肉和線條；淋巴排毒程式可抗水腫、改善血液循環；而紅外線溶脂瘦身程式則可有助血液排泄體內毒素及雜質，令皮膚組織得到改善，建議每星期做兩次。
思琦：「其實每個女性都無可能十全十美，我有時食得多咗，條腰會突然多幾吋。自從做咗VIPCOMPLEX機之後就唔需要擔心，唔單止即時減到多餘脂肪，令身形更完美，當中仲有淋巴排毒功能，令我更加健康。」
1.先將紅外線溶脂盒和導電膠塊放在想要消脂的部位，用彈性束帶紮好。然後插上電線做30分鐘。
2.溶脂後，可轉上大Pads做20分鐘收形療程。
3.最後再用彈性束帶紮好需收緊部位，配合呼吸節奏令效果更Work。
EVOLUZIONEVIPCOMPLEX專業霸王纖體療程
首次試做價：$1,280/30-50mins
皇室纖形（81023801）
Chrissie豐胸瘦身 向前推肉
瘦身減肥固之然重要，不過正所謂應有則有，試問邊個唔想有個S-shapeBody？詩琳獨門脂肪轉移技術可豐胸兼瘦身，利用最新的脂肪轉移手法將背部脂肪、腋窩兩側及乳房周邊的多餘贅肉推向乳房，刺激背部經絡及穴位之餘，加速血液循環。瘦身又豐胸，確實吸引。
Chrissie在詩琳廣告中的身形Fit到漏！佢話：「我認為女性身材應該均勻，所以我很欣賞減肥過程中的脂肪轉移技術，可以將多餘脂肪推到胸部，有豐胸效果之餘，個身又瘦咗，一舉兩得！」
1.首先用雙手從背部上方以打圈動作推勻脂肪轉移油。再以雙手左右快速捽勻背部，令脂肪轉移油和背部產生磨擦。
2.脂肪軟化後，以推的動作將腰間多餘贅肉經盤骨位推向前。
3.最後將胸背位和腋下位置的贅肉全推向前。
脂肪轉移技術療程
$1,280/15mins
詩琳（25488306）