【本報訊】沉默不等於放棄，只是生活讓我們不常提起。昨日天安門母親展覽現場，巿民撐着傘、冒着雨，默默讀着死難者的資料，坦言那年那夕的片段從沒忘記，不參加集會不等於記不起，六四始終要平反。支聯會主席司徒華認為，扭曲六四真相的人，忽視了香港人不善忘的性格。
過往為生活忙碌，畢小姐從來沒有參加六四燭光集會，昨日路經活動會場，「（六四）當時都喺電視機旁邊，覺得好血腥，估唔到真係會開槍，會動用坦克車。」對於特首曾蔭權的「客觀六四論」，她說：「事實就係事實，冇話客觀唔客觀，亦都唔會因為經濟原因而改變。」
巿民吳先生記得六四屠城時內心非常難過，「好唔公道，呢件事始終應該平反，啲人白白犧牲咗都得唔到一個正確嘅講法。」
因為沒有時間，吳先生沒有參加過六四集會，但不等於他已經忘記，他說：「香港人唔係咁易忘記，但可能好多人好似曾蔭權咁見利忘義。」
華叔：反面意見有備而來
對於香港大學民調指支持平反六四的人數是20年來新高，支聯會主席司徒華相信與越來越多反面意見有關，「點解今年咁多反面意見呢？我都有諗過，可能係想打擊支聯會，佢哋係有備而嚟嘅。」他認為這些人忽視了香港人不善忘的性格。