【本報訊】支聯會主席司徒華昨日堅持多年傳統，到立法會大樓聲援在議事廳辯論六四的泛民議員，卻遭工聯會屬會建造業總工會透過大聲公不斷高喊「我哋要食飯」口號干擾，司徒華欲接受傳媒訪問一分鐘也未能成事。議事廳內，職工盟李卓人力斥工聯會屬會的行為令香港工人蒙羞，「我哋工人唔係只要食飯，我哋係有良心㗎！」
78歲的司徒華昨晨10時許偕支聯會成員到達立法會大樓外，表達爭取平反六四的訴求。數十名工聯會屬會成員即以大聲公高呼「我哋要食飯」口號，當傳媒希望訪問司徒華，並透過涂謹申議員要求建造業總工會理事長蔡鎮華暫停叫口號一分鐘時，遭對方即場拒絕。
黃國健否認有關係
李卓人昨日在六四辯論發言時難掩憤怒，怒斥工聯會有關做法過份，將工人變成只懂吃飯，「中國人、香港工人唔係豬，唔係淨係識食飯㗎！我哋仲有靈魂、仲有良知！」身兼工聯會理事長的黃國健議員聞言，即指「出面嗰個唔係工聯會」，但旋即被李卓人踢爆，指出建造業總工會是工聯會屬會，黃此時再未發言。李卓人隨即說：「咁工聯會應該趕佢哋出會啦，即刻踢佢哋出會！」
民主黨何俊仁亦力斥工聯會迴避六四辯論，拒絕派人發言，數十名成員更在立法會門外試圖掩蓋要求平反六四的聲音，「連一分鐘都唔肯畀華叔同傳媒講嘢」，直斥做法非常可恥，反映立法會每次六四辯論，「都係良心同邪惡嘅鬥爭」。