兒時，朋友仔之間流行學中國或芭蕾舞。晃眼，這一代卻是跳拉丁或標準舞。著名排舞師SunnyWong創辦的舞蹈學校，最近開辦兒童舞蹈班，以流行曲為基礎，混合HipHop、Jazz、BalletJazz等而創作適合小孩的新舞蹈，他們的這一套「舞語教學」，更會教埋眼神、走位，完全以上舞台表演為最終目的。
記者：林佩婷
攝影：楊錦文
培育精英 表演性強
有別於一般的兒童舞蹈學校，曾為郭富城、劉德華等編舞，編排年資20年的兒童舞蹈總監Sammy稱：「除2歲半至4歲幼童會先教打鼓數拍子外，5歲以上嘅我已當大人咁教，因為呢度唔係一般唱遊堂，而係教流行曲教要In。小孩有時唔識分左右或數錯拍子，我寧願做多幾次，唔會特別遷就。最特別係加插舞台技巧如面部表情、眼神、EndingPose等，唔止學跳隻舞而係教佢點表演。我哋亦有安排表演，甚至有廣告公司識上門搵人試鏡。」學校選用的多是外國流行曲，如RockandRoll、Candyman、ShakeYourPomPom，平均2-3個月學識一隻舞。
論舞功 人細鬼大
看到課室內的小朋友，身材高大、身手靈活，難以想像有些只是幼稚園生，他們一聽音樂會自動搖擺，甚至做出各種動作。9歲的Cherry身形高䠷，混在一起跳群舞時候也最突出，比十多歲的同學更顯眼，但原來她只學了兩個月。「以前有學中國舞同拉丁，但嚟到呢度後，覺得跳HipHop又型又靚，所以家只係喺度學。」
5歲半的Lincoln從小一聽到音樂就已經識周身郁，故媽咪葉太於5個月前開始讓他學。「普通舞無咩特別，呢度嘅舞會混合不同形式，選擇多啲。佢學完後個人大膽咗、節奏感強咗，以前只係喺屋企跳，家喺街聽到音樂都會自動編舞跳埋一份。」
兒童舞蹈暑期課程
SunnyWongDanceSchool於暑假開辦3-15歲課程，除跳舞外還包括演技、司儀及唱歌等才藝表演。
堂數：14堂（每堂1小時）
日期：待議
學費：$2,600
地點：銅鑼灣軒尼詩道451-457號勝華樓1樓
查詢：35835403