【珠海直擊】楊千嬅、張震、AmandaS.和LisaS.昨日到珠海國際賽車場，出席Audi名車的宣傳活動，當車場展示了該品牌新車後，四位嘉賓都忍不住落場試車，平時有司機接送的千嬅說：「每逢假期，我會鍾意唔化妝，然後揸住部開篷車出去兜風，不過香港周圍有狗仔隊追車，所以我都唔敢揸得太快，以免有意外。」
千嬅對於又有消息指她與丁子高下個月結婚，她沒好氣說：「成日都咁寫，但又唔係事實，冇人同我求過婚，我亦未有結婚打算。婚姻大事，冇必要講大話，有就有，冇就冇，今年我工作已排得滿滿。」
張震載媽咪
張震平日都喜歡駕車四處去，記者問他會否經常駕名車接送女友？他笑說：「駕車接送最多係阿媽，媽咪成日會叫我車佢出街，如果架車唔係車家人，我都幾鍾意一個人揸住部車四圍去，享受一個人所擁有嘅真正空間。」
採訪、攝影：曾小嘉