香港電台台長黃華麒事必親躬，八方噚日話佢一時技癢，想親自指導《鏗鏘集》六四特輯剪接，再有線人報料，指麒叔早有前科，早前睇過電視節目《老土正傳》宣傳片後，認為太悶唔夠吸引力，直接搵剪接嘅人員重新剪輯，以示寶刀未老。
呢次想向《鏗鏘集》開刀事件，線人稱好彩有高層幫咗佢，因為台長工作繁重，兼顧埋呢啲粗重嘢，可能分身不暇，所以剪接後、節目出街前特別安排台長睇「首映」，滿足佢先睹為快好奇心。
麒叔咁緊張六四節目，相信下星期四之前佢都放心不下，不過六四過後，好快就到7.1，八方收到風，指港台最高層下令7.1前都要「睇緊啲」咁話。