RoadShow前主持梁慧恩（Viann）日前接受有線娛樂台節目《玩轉姻"玄"路》訪問，被麥玲玲批她命中注定經歷一段三角戀，又指她在結婚前會被第三者搶男友，由於去年曾有人爆料指Viann被台灣性感女藝人吳佩慈搶去大馬富商男友Peter曾，故令人揣測麥玲玲所指的正是吳佩慈。
男友一腳踏兩船
Viann在節目內也承認與前男友拍拖近7年，兩人更已到談婚論嫁的階段，她說：「我媽咪臨終前兩日仲叫佢好好照顧我，我哋亦算喺媽咪面前訂咗婚，點知之後我去北京進修，唔夠3個月佢就同我承認有第三者，而且對方仲係台灣女藝人，當時佢仲叫我畀時間解決。」
Viann又坦言去年前男友曾向她提出箍煲旅行，但她覺得男方有意繼續一腳踏兩船，最終決定與他分手，現時她已走出情傷，與一圈外人發展新戀情。
撰文：林妃