期指結算前夕，港股窄幅上落，成交唔夠600億元，不過好多股仔都有炒作活動，所以恒指雖跌130點，上升嘅正股仲有551隻。
今日港股期指結算，大市波幅應該會大番啲。噚日成個場靠地產股撐住，雖然幾隻大地產股收市嘅升幅收窄，但係睇嚟未炒完，回試支持位可吼位買入。
中海C輪15972：中國海外（688）昨收14.38元，跌1個位，連續第5日企喺20日線整固，短線有機會上試15.50元，破位就睇17元，可以諗吓隻C輪15972。
隻輪現價39.5仙，2009年12月21日到期，行使價13.729元，溢價22.6%，引伸波幅85.6%，槓桿率3.6倍（有效2.4倍），正股升上17元，15972睇58仙，正股跌穿13.30元，就沽咗隻輪止蝕。
俊樺