會計真係好重要，同一盤生意，用唔同嘅會計方法，蝕錢都可以變賺錢。美國好幾家銀行就因為適當運用會計制度，壞賬都變意外之財。據彭博資訊報道，多得會計制度中嘅AccretableYield，令銀行嘅不良貸款變成收入。
所謂AccretableYield，就係銀行資產負債表入面嘅貸款價值，同有關貸款預期產生現金流之間嘅差額。好似摩根大通舊年9月，用19億美金收購華盛頓互惠，通過會計制度，將減值貸款以公平值入賬，1182億美元資產減值25%，但家陣因借款人償還債務，摩通話貸款期限內可以有291億美金稅前收入。
另外，買咗Wachovia嘅富國銀行、買咗Countywide嘅美銀，同埋買咗NationalCity嘅PNCFinancial，據講都因為新例執番合共560億美元。雖然呢筆橫財只係紙上富貴，但相信唔多唔少可以幫手整靚公司盤數。