樂基兒　嬉皮沙灘裝

提到樂基兒（Gaile）總有黎明份，她個人事則較為表面，事實上跟她訪問，得來也只有「乾脆」兩字！答到你要的東西，同時讓人挑戰不到她，如此穩陣派，跟她鬼妹仔性格完全兩回事，有點精神分裂。問她夏日沙灘裝精選，只答了「Hippies」，短句對答，反映她爽朗一面。

記者：郭佩韻
攝影：梁細權

闊背心透泳裝

Gaile本身肌膚白，以為她是個怕曬之人，原來剛好相反，「我覺得女仔TanTan哋才是健康膚色，所以我常去海灘曬太陽游水，鍾意肌膚曬後的ShimmerLook。」穿起比堅尼都要襯得靚，Gaile心目中的最佳沙灘裝就是闊身背心、牛仔短褲配拖鞋，帶點Hippies味。入夏背心一籮籮推出，且多是花花圖案，如果本身比堅尼已經花呢花碌，建議襯些單色背心，暗暗透出比堅尼圖案，更有型格。

Zara橙白色紮染背心$159、牛仔短褲$299

MarcbyMarcJacobs灰黑大格仔連身短褲（連Belt）$2,390

Marios@Cocktail有帽外套$2,195、MarcbyMarcJacobs紫藍色間紋比堅尼$1,690

■JuicyCouture灰色暗金線花闊背心$1,500、黃白波點短褲$500

■MANGO橫紋短褲$399、露背民族背心$399

■JuicyCouture粗帶深藍色背心$2,100、Zara層層褶牛仔短裙$299

■MANGO藍白碎花背心$299、Zara碎花斜布短褲$299

OnePiece懶人之選

去海灘最易襯的裝束，莫過於一條Onepiece連身裙，脫去面裙即可下水，不過Gaile自覺與OnePiece不太相襯，「因為通常着OnePiece裙都較為女仔，我好少打扮得很Lady。」但她就認同如果想懶，Onepiece絕對是夏天必備，毋須花心思左襯右襯，夠晒方便。去海灘有甚麼要注意呢？她毫不遲疑答：「一定要有高度防曬，即使想曬一身黑黝黝肌膚，也要用太陽油保護皮膚免曬傷。我鍾意曬黑少少，尤其是少少Coloronthelegs，it'sverynice！」明白了，光管腳不好看嘛。果然係防曬代言人。