Angelababy火速走紅，緋聞是非特別多，最新被指同門師弟James陪她遊法國拍寫真，男友陳偉霆（William）大動肝火，又遭Avex和經理人棒打鴛鴦。Baby昨日回應時讚James靚仔，但同時否認跟William鬧翻，二人更有通電話。
成功攻日、簽約Avex的界女神Angelababy（楊穎）早前成為法國婚紗代言人，與同門混血師弟男模JamesParry扮新人。有指兩人因拍廣告撻着，James陪Baby到巴黎拍寫真，更入Baby房談心，搞到Baby和男友陳偉霆嘈交，更陷入冷戰，而Baby的日本公司Avex也出信要求Baby減少緋聞。
「笑話一則」
Baby昨日在柴灣拍攝新廣告，6時多左右放工時，回應說：「笑話一則，全部都係假，冇一啲係真！」她指James長駐北京，自己連他的聯絡電話也沒有，Baby說：「James都冇去過巴黎，又冇去過日本，我哋有一齊拍過廣告，但冇一齊出過埠。」她讚James靚仔，但揚言拍拖傾向揀中國男仔。問到Avex不准拍拖？Baby說：「我細心睇過，份約係冇寫呢一點。我都冇唔聽William電話，我哋今日都仲通電話。」
問到為何不公開戀情，Baby說：「大家都想以工作為先，太多緋聞會令人哋睇唔到我哋嘅工作。」真正拍拖都不能公開？Baby口快快說：「遲啲先啦。」隨即補充說：「如果真係拍，遲啲先公開啦，我哋係好朋友。」
設計閃錶
此外，Baby和William這對小情人，其實最近也齊齊合作開工，兩人為「鐘錶美女」胡敏珊的CHOUETTE腕錶，各自設計限量新錶，Baby用上girly的桃紅、彩藍配blingbling閃石，錶面更加上Angelababy縮寫的'AB'logo，而William則揀了英倫國旗做主題，中央更加上Love字樣表愛意。
採訪、攝影：RitaLeung
