「香港政府完全忽略我哋夾心階層，寧願做澳門人！」中產近年幾乎淪為「弱勢社群」，其中馬先生坦言一直未能受政府恩惠，今次紓困措施又再落空，擬7.1上街示威洩憤。生於澳門的他最近取得當地身份證，「澳門政府又派錢，醫療保障又好過香港，唔似香港政府咁無情。」
任職花店主管的馬先生租住私樓、無子女，也沒申領綜援，昨日財爺提出「公屋免租、免差餉、學生津貼、綜援加碼」四大優惠，他都「冇份」。
唯一受惠退稅
唯一受惠是退稅，但他說未能解燃眉之急，因每月薪金三分之一交租，其餘作生活費，「乜嘢資助都冇，冇乜錢剩。」他坦言中產都是表面風光，每年交稅時都頭痛，尤其近來市道疲弱，更擔心飯碗不保。
他於澳門出生，母親去年申領澳門身份證後，剛巧當地政府派錢，「佢用啲錢嚟請成家人去澳門玩。」他也剛申請當地身份證，更坦言將來寧願到澳門生活，因當地醫療保障較佳，「睇醫生平啲，有個澳門親戚要去香港睇醫生，政府仲畀埋個護士帶佢去，又畀埋錢。」 本報記者