為人父母，必然望子成龍。張學友昨日出席學友社活動時，坦言其妻羅美薇希望女兒長大後成為專業人士，但他則沒有太大要求，雖然自己是藝人，卻反對女兒加入娛樂圈，只想女兒做一個平凡幸福的女人便已心滿意足。
張學友昨日以學友社大使身份，在觀塘出席研討會，他在台上笑言覺得自己應一早做該社大使，因為名字很容易被聯想在一起。一如所有家長，學友指太太羅美薇對女兒抱有期望，希望她們將來能成為專業人士，但他自己則沒太大要求，並指女兒沒責任滿足其要求。
「呢行要有運氣」
學友又謂女兒不會因母親的期望而有壓力，他說：「佢鍾意啲女做醫生、律師、會計師之類嘅嘢，但我冇要求，做一個平衡、緩衝，做個好人就算。平時佢有佢教，我有我教，我通常同啲女玩。」
談到女兒的志願，學友笑言她們不斷在變，他說：「佢知我唱歌，試過話想唱。睇完行船嘅嘢，就想做科學家，我細個都想做行船。」但他反對女兒入行，他說：「壓力太大，要面對好多唔需要面對嘅嘢，呢行要努力，都要有運氣，如果你唔介意好似梅香做到甘草演員，或者喺街坊福利會表演，咁就冇所謂。」
自嘲人老珠黃
父親節將至，學友坦言希望女兒與他一起慶祝，他說：「起碼唔好唔記得呢一日囉！咁就好難過，母親節我都做到足㗎！大女家都識主動話做張卡。」
此外，對於顧美華昨日在電台訪問中談到妹妹因丈夫的婚外情自殺，學友說：「我覺得係一個家庭悲劇，希望大家做事前諗清後果，或者唔好太衝動，有時會有好多選擇，當然每個人都面對唔同嘅嘢，唔係我哋旁人可以理解，但邊一方都要諗清楚。」
是否試過行差踏錯有婚外情？學友說：「太危險，我輸唔起，同埋我家冇乜出嚟做嘢，人老珠黃，邊會有飛來蜢。」
採訪、攝影：王連連