〈早飛王〉連續兩期有進賬，不過臨近季尾，本版今周最後同大家見面，希望好好睇睇，就算追唔番正數，都唔好輸咁多；周中就向小弟較熟嘅瑞超聯賽做重心，以AIK蘇納主W做膽。
AIK蘇納周四就會主場對哈馬比，呢場係斯德哥爾摩打吡戰，今季AIK打吡戰都幾醒神，上星期就小勝佐加頓斯1:0，雖然上仗主場與艾夫斯堡賽和0:0，不過艾軍屬瑞超前列分子，AIK和波都唔算差，今次再度主場，可以取3分。
兩外援中場大勇
提起AIK蘇納，點少得兩大外援中場主力，就係阿根廷嘅奧波路同英格蘭嘅柏夫。奧波路呢位前阿根廷小國腳，今季大勇，已累積4個入球。至於出身於米禾爾嘅柏夫，雖然喺英格蘭未能立足，但嚟到瑞典，級數已經夠晒。
哈馬比一向只屬首都第3勢力，今季開「咧」唔算好，近3場攞番7分，先升上第13位；但作客稍為有級數嘅奧雷布洛同希爾星堡都輸波，今次相信都唔會例外。不過，AIK蘇納就好興小勝一球，今次熱捧主W外，更可冷敲「讓球主客和」嘅「和局」。
早場揀櫻花再贏
早場就有日乙，當然繼續追愛隊大阪櫻花；櫻花近期走勢肯定好過同市「1哥」飛腳，連續5場日乙比賽全贏，近4場都淨勝兩球或以上，一啲都唔孤寒。雖然今場櫻花有中場香川真司入選國家隊料缺陣，好彩另一中場乾貴士大勇，上仗食「大四喜」入4球，周四作客德島漩渦，以主隊近5場都未贏過頹勢，點都要客隊，冷冷哋博埋「讓球主客和」嘅「客勝」㖭！文：牽牛
早飛王貼士
星期四15 AIK蘇納vs哈馬比
首選：AIK蘇納勝（1.6）
次選：AIK蘇納和[-1]（3.25）
冷選：AIK蘇納勝1:0（5.5）
早飛倉
主菜：星期四2大阪櫻花勝（1.6）x星期四15AIK蘇納勝（1.6）2x1@3,000
渾水摸魚過關：星期四2大阪櫻花勝[-1]（2.6）x星期四15AIK蘇納和[-1]（3.25）2x3@500
今日早餐價錢：-$4,500
上日賺蝕：+$1,700
早飛倉結餘：$74,665
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三1 巴塞隆拿vs曼聯
在羅馬舉行的歐聯「夢幻決賽」，曼聯力爭「4冠王」創舉，巴塞隆拿亦希望取得「3冠王」，今仗亦是當世兩大球王C朗及美斯對碰，一年只看一場球賽？無疑必選今仗。
星期三3 柏斯波利斯vs賓約哥
亞冠盃16強大戰，由伊朗的柏斯波利斯主場對賓約哥；來自烏茲別克的賓軍有前巴塞中場李華度壓陣，球迷大可一睹久違了的「李三腳」風采。