傅穎（Theresa）前晚到中環出席音樂會，同場還有余文樂、林一峰和RubberBand等。雖然有傳Theresa被金牌大風out出局，但似乎未有影響她的心情，提到新上任CEO陳輝虹表示要「執一執」Theresa的發展路向時，她表示略有所聞。
明年出細碟
Theresa笑說：「執一執係佢嘅口頭禪，公司其實係想我多方面發展，經過走音事件，外界對我留下負面印象，我家需要多啲時間準備，錯咗一次真係好難洗底。」
問到唱片公司是否要她放棄唱歌？Theresa表示不會，公司計劃明年為她出細碟，她也很滿意這個安排，讓她有充足時間準備，又表示會努力洗底。
提到Theresa同樣試過走音的死敵鄧麗欣可繼續出碟，問她會否眼紅時，她說：「唔會，其實都係出邊報道，我OK，唔介意俾人話，但係就想成為過去式，家每次上台我覺得外界好似只係想睇我走音，我會克服心理障礙。」
採訪：卓寶花
攝影：陳順禎