早排古巨基（左）因為續約而搞出連串是非，可能因為咁所以索性避走日本冷靜一下。噚日基仔出現喺無綫總經理陳志雲嘅blog上面，陳總話基仔啱啱喺日本返嚟，跟住就約埋食飯，睇嚟佢哋幾老友喎。大家都知日本有超過300宗豬流感確診個案，陳總話一向小心嘅基仔到埗後即刻去買口罩，但搵咗幾日都買唔到，最終喺一間小藥房搵到。