究竟細價股炒完未?唔少散戶都好關心。如以大市氣氛判斷,後市似乎未必好差,但短線即使再衝,向上水位睇落又唔似好多,都係睇資金流向最有參考價值。
另外,散戶跟炒要自我衡量風險承受度,以及嚴格執行紀律,萬一真係損手,就當係交學費,最緊要唔好輸入肉,保留實力以後再出擊。
近期新能源股相繼發力,個別更創出52周新高,中國風電(182)就係一個例子。前身為「航科通信」的航天萬源(1185)亦見強勢,該公司自獲注資變身後,所擁有的4個風力發電場陸續投產,今年目標為加快風電項目發展及有關設備產銷。
上望0.68元
航天萬源上周五股價逆市高收0.52元,成交連日大增,料升勢未完,短線上望0.68元,設止蝕位0.45元。
另外,上周曾大升逾三成的福邦(1041),傳聞大股東快將海產凍倉注入。
該股今年大部份時間都在0.018元以下橫行,家陣升浪爆發,不妨望多眼。
方星俠