音樂無國界，好似中大合唱團2007年週年音樂會嘅演出，其中唱咗《舒特拉的名單》中，分別係依第緒語歌曲《OyfnPripetshok》（在火爐旁）及希伯來語歌曲《Yerushalaimshelzahav》（金色的耶路撒冷），居然熱爆以色列，喺YouTube瀏覽率達14萬人次。
擔任音樂總監兼指揮嘅朱振威同八方講，嗰兩首歌雖然係兩年前嘅演出，但今年4月突然喺YouTube熱爆，一個月內有成十萬人上網睇，大部份係以色列人，其次係阿根庭、美國嘅網民，好多仲係50、60歲嘅網民。朱振威話，最近有份以色列嘅大報仲訪問佢㖭，就連PeterYarrow（Peter,PaulandMary成員）嘅經理人都專登sendmail多謝佢哋。