上禮拜港股繼續喺高位反覆，恒指最後貼近條250日線收市，呢個禮拜得4個交易日，後日係期指結算，睇嚟好淡雙方仍有惡鬥。
花旗股市同內地A股過去幾日軟番啲，如果再跌，港股氣氛會偏淡，不過市場資金充裕，低位應該會吸引買盤，暫時睇嚟，大升同大跌嘅機會都唔大。
中鐵建C輪16463：中鐵建（1186）上周五收11.20元，微跌0.5%，日線圖以旗形整固，炒番上去，有機會突破早前高位11.90元，並推向13元，可以諗吓隻C輪16463。
隻輪現價20.5仙，2009年12月30日到期，行使價11元，溢價16.5%，引伸波幅55.7%，槓桿率5.4倍（有效3.3倍），正股升上13元，16463睇32.6仙，博升5成，正股跌穿10.40元，就沽咗隻輪止蝕。
俊樺