周潤發近日喺內地拍攝新戲《孔子》，內地傳媒報道話劇組方面安排發哥入住酒店總統套房，每晚房租5,700人民幣。有時發哥會去北京市住，有關方面租咗間每月3萬蚊嘅複式單位畀佢，加埋有電視同雪櫃嘅長房車接載出入，初步估計《孔子》要拍3個月，單係發哥嘅住宿同租車費就要花37萬蚊人民幣，排場十足。