周汶錡（Kathy）和諸葛梓岐前晚到中環，出席香港保護兒童會籌款意大利晚宴，Kathy謂一向喜歡吃意大利菜，問會否喜歡當地的男性？她笑說：「好熱情喎，其實乜國籍都冇所謂，真心相愛就可以。」早前Kathy生日，問收到甚麼禮物，她說：「呢幾年我都叫朋友唔好送禮物，折現現金做善事，因為我同妹妹喺內地有間學校，所以朋友都會捐錢幫手。」男友有何表示？她透露男友也是捐錢做善事。
諸葛梓岐冇諗結婚
問諸葛梓岐她及男友、Neway二太子薛嘉麟是否都喜歡小朋友？她說：「佢都鍾意，但冇諗咁長遠，結婚都冇諗。」兩人被拍到使用同一款白色座駕，因此被指用情侶車，她說：「唔係，係呢個牌子嘅車好用，平時出街都係揸一架車。」
採訪：藍文浩
攝影：陳俊強