飛得多，讓該緊張的事都輕鬆下來。例如上機checkin時間，總係調到最後那刻，甚至等到人家叫咪先至到。上海塞起車來真不是人咁品，我跟朋友就曾在上海截咗大半個鐘都截不到計程車！杭州更離普，4、5點過後搶的士好似戰爭片時代搶車逃亡似的，的士一慢駛，遠遠就一堆人虎視眈眈撲過來，結果我們行路回家仲快！好似今程，大安旨意的我掛住上MSN吹水，連網上checkin都沒辦，就跑出去逛了。結果搞到上機時間緊逼，在路上驚到鼻哥窿都無肉。朋友一路話我做乜唔checkin，一路攞個手機出來㩒㩒㩒，就幫我上網checkin了！還在用普通手機的我（幾千蚊部機出trip跌咗咪好肉痛？）這時終於感受到，科技的偉大！沒了這個手機登機服務，就真係死得啦！
記者：陳慧敏
查詢：http://www.dragonair.com（港龍航空）