近期最多港人講嘅英文，怕且係"SellinMay"，股民係咁，外國球會都係。球季未完又未到轉會市場重開，但係好多球會已準備好「沽貨」清單，就算未公佈，只要睇佢哋買入咩人，就知咩人被sell。好似祖雲達斯擺明大換血，行動最爽手。費拉拿教埋今季最後兩場不過係為保3位而戰，未來點樣重建球隊、同米蘭雙雄拗手瓜先係重點。迪亞高加盟幾成事實，你問我就舉腳贊成，至於咩保臣、美爾保、沙歷咸美斯同埋堤亞高文迪斯，唔使我講都應該聞到魷魚香。
上星期乜都中，獨斷祖記，唔搞佢囉，信番自己周六個巴甲心水。
文：藍鑽石
與簡拿華路同日出生嘅囡囡入學，今季大把時間睇波，尤其係意甲。
近5場往績：WLWLL
主客和：高士路勝
心得：維記唔似可以長居榜首