豬流感嘅威力雖然好似冇預期中咁強，不過，為咗「全城抗豬」，唔少地方都加強消毒，敝公司亦唔例外，令到周圍瀰漫消毒藥水氣味，所以每日放工返到屋企，全身都會散發住消毒藥水嘅「餘香」，亦因為咁，搞到一向對香水有啲抗拒嘅我，心思思想買番枝香水嚟抗衡。到真係想買香水時先知道，原來揀香水好有學問，又乜嘢前調中調基調；不過，我最後都係唔理咁多，買枝自己覺得好聞嘅算數。
好似推介咁，有時做太多功課，左度右度，結果只會令自己仲混亂；倒不如信自己直覺仲好。所以今次推介英冠附決賽，遇強越強兼係心頭好嘅般尼可以贏錫菲聯。
文：吾中
買嘢講名牌，但賭波一定唔會做名牌奴隸嘅大聯盟女神。
近5場往績：LLWLL
讓球：般尼（平）
心得：般尼遇強越強