野蠻奶奶變超級秘書，阿姐汪明荃在全新處境劇要做一個熱情又鍾意幫人的秘書，昨日在將軍澳試造型。阿姐新婚後全情投入工作，專程到髮型屋改頭換面，她特別向老公羅家英報告換了新髮型，怎料家英哥表現得有點失望說：「咁你家咪同結婚相個頭唔同囉！」
阿姐跟羅家英在賭城結婚後返港，家英哥即到橫店開工，阿姐昨日在將軍澳電視廣播城為全新處境劇《女王辦公室》試造型時說：「結婚之後都未見過羅家英。」小別勝新婚，阿姐每句關於家英哥的說話都是甜的，周遭的人很容易感受到他們的幸福。
家英索取照片
阿姐第一次接拍處境劇，跟從未合作過的監製，一班從未合作過的演員何韻詩、杜汶澤、吳卓羲一齊做戲，每次拍劇阿姐對自己的造型都一絲不苟，今次她換了一個今季熱爆的短曲髮，阿姐說：「第一次拍處境劇，想換個髮型易打理，又唔好太誇張，今次唔使出私伙，個角色唔使咩Gucci、MaxMara，OK喇！」
阿姐被取笑接拍處境劇是不是要定時回家洗衫煮飯，她笑說：「唔使，唔會。」不過，阿姐自爆換了新髮型即告知家英哥，怎料家英哥語帶失落，阿姐說：「佢唔喺香港，都未見過我嘅新髮型，我有打電話話畀佢知我剪咗頭髮，佢即刻話：『咁你家咪同結婚相個頭唔同囉！』咁我係演員嚟嘛，亦冇理由成日整嗰個頭，真係好笑呀！佢仲叫我e相畀佢睇，我話唔得呀！我又冇化妝。」
何韻詩嘆坎坷
此外，何韻詩10年沒有拍無綫劇，今次重返電視台拍處境劇，還要飾演阿姐的女兒，阿詩感到壓力大：「興奮，既緊張又有壓力，大家都係擔心嗰個問題──遲到，所以我噚晚校4個鬧鐘，搵兩個人負責叫我起身，仲收到10個訊息morningcall。預早45分鐘起身，今日準時10點鐘到。」有消息指阿詩做歌手收入少，故轉去電視台拍劇，她笑說：「拍劇冇錢喎！搞到咁坎坷，大家快啲支持樂壇同娛樂圈，我就嚟化妝整頭髮都係自己搞掂。」
採訪：楊潔雯
攝影：葉君海
