有法甲爭標主動權的波爾多，周六主場面對「風流波」摩納哥，料可延續聯賽9連勝走勢，考慮主隊攻力強，亦要在得失球差保優勢，一於博主隊大炒，取「讓球主客和」「主勝」。（球賽編號：星期六42；now714台明日3:00am直播）牽牛
波爾多上仗險勝勒芒，加上馬賽敗於里昂；波爾多已有3分領先優勢，只要餘下兩場聯賽，包括今仗主場對摩納哥，及煞科日作客卡昂全勝，就可篤定封王。
贏埋兩場即封王
而且同日馬賽作客南錫，存在失分機會，只要波爾多主場贏波，加上馬賽未能擊敗對手，波軍更可提早封王，主隊決心不成疑問。論攻力，波爾多為法甲之冠（見附表），哥古夫、查馬克等攻擊好手固然近況大勇，阿根廷前鋒卡雲拿基亦已傷癒復出，除雲達爾、阿布度查奧爾等傷兵外，波軍陣容極完整。
摩納哥已屬風流波，既無法爭歐洲賽機會，亦不愁護級；近況亦甚沉，近3仗只得1和2負。而且近期摩納哥仍有眾多傷兵，艾真度阿朗素、利卡達、奇雲戴亞斯、巴卡亞等均缺陣。論往績，摩納哥作客波爾多亦未見優勢，近3次作客全輸外，更只入1球。不過考慮波爾多近期後防亦未算穩，面對勒芒、華倫西恩斯等弱旅也有失波；波膽宜取主隊大勝兼有失波波膽，11倍的3:1可選外，半冷佳品為主隊勝4:2，有50倍分頭。
星期六42
波爾多vs摩納哥 3：1
半全場：主/主
盤口：波爾多[-1]
讓球主客和：H主勝
特稿：波爾多=入波多
波爾多不但暫列榜首，而且累積62個入球，更是法甲之冠；波爾多已有3名球員入球達雙位數，上季球隊神射手卡雲拿基，就算今季受傷患困擾，仍交出13球；進攻中場哥古夫及前鋒查馬克，亦有12及11個入球。巴西防中文歷加素，有後上射門及頭槌攻門能力，默默地為波爾多貢獻入球。