方力申昨日到中環ifc為國家地理頻道的小藍鯨模型揭幕，他在活動上搞爛gag，將project讀成「仆直」，他說：「我覺得莊諧並重呀，我搞笑特登講㗎。」
提到近日男藝人召妓傳聞滿天飛，鄭中基也被牽連，小方說：「當娛樂新聞得啖笑啦，件事牽涉好多人，希望快啲完。呢排我公司是非多，個個都有新聞，但CEO係會多啲喇。」問可有約鄭中基一同夜遊？他說：「有，通常係拍完《美女廚房》去打邊爐。」有記者聞言即笑說：「即係去『滾』？」小方聽罷也忍俊不禁。
曾志偉指形象乖仔的藝人也可能召妓，小方說：「邊個係扮呢？但前輩講嘢我唔能夠challenge，我惟有講我唔係扮，係真正經囉。」
採訪：藍文浩
攝影：陳俊強