香港又多一單確診豬流感，市民心慌慌，旅發局田少都十分頭痕，因為人人都唔敢外遊，香港旅客驟減，其中日本失守，令田少更加苦惱。
有見高消費歐美長途客受金融海嘯打擊冇錢遊埠，所以旅發局今年轉移目標谷日本客，預留成百萬元做宣傳費，點知日本豬流感失守，當地人冇心情外遊，旅發局豪擲銀彈都嘥鬼氣；就算有日本客，都怕佢係隱形病人，旅發局擔當唔起引入豬流感呢個罪名。田少透露為免花錢宣傳得個桔，正考慮cutbudget，慳番筆宣傳費，改為投放在其他市場。佢話依目前情況，吸引華中、華東同華北旅客都係佢心水之選，如果大家有其他提議，不妨獻計旅發局。