維拉利爾與華倫西亞俱欲趕過第4的馬德里體育會，取得來季歐聯參賽資格，周六在維拉利爾的馬迪加球場交手，和波對雙方都冇着數，平手盤我揀華倫。（球賽編號：星期六39；有線14及61台明日3:00am直播）
維拉利爾防線鬆散
上周貼維拉利爾主場贏皇馬，結果3:2波膽都命中，但看直播過程，「黃色潛艇」實在贏得險。歸根究柢，皇馬一對中堅又送大禮，尤其簡拿華路更當衞生波來踢，加上門將卡斯拿斯近期經常接球甩手，維拉利爾才能全取3分。
然而，主隊續缺辛迪卡索拉，隊長辛拿雖已復操，惟今役上陣機會不到5成；再看一對中路守將高甸及干沙路洛迪古斯，對皇馬時經常中門大開，令對方在禁區內獲得大量射門，絕對是計時炸彈。再者，射手基奧斯比羅斯正鬧入球荒，已連續12場聯賽冇波入。
上周同樣是貼華倫對家馬體會贏波，結果如願開出上盤，但今周改捧華倫可坐和望贏。早前有傷在身的韋拿及維辛迪肯定可披甲，當馬真拿今停賽復出，守力必增；就算大衛施華續因傷缺陣，仍有大勇的柏保路靴南迪斯及桑馬達等，照秤抵買過維拉利爾。文：畢傑
星期六39
維拉利爾vs華倫西亞 1：2
半全場：客/客
盤口：平手
讓球：華倫西亞